ދިވެހި ޘަޤާފަތާއި އާދަކާދަ ދިރުވާއާލާ ކުރުމަށްޓަކައި ފިލްމީދާއިރާއަށް ކުރެވިދާނެ ކަންތައްތައް

 ދިވެހިންނަކީ އަމިއްލަ އާދަތަކާއި ޘަޤާފަތެއް އޮންނަބައެކެވެ. ނަމަވެސް ހިތާމައަކީ މިޔަދު އެޘަޤާފަތާއި އާދަކާދަތައް ދިރުވާ އާލާކުރާނެބައެއް ނެތުމެވެ. ނަތީޖާއަކަށް ވެގެންދަނީ އެރީތި އާދަތަކާއި ޘަޤާފަތް ދިވެހިންގެތެރެއިން ނެތިގެން އުވެމުން ދިޔުމެވެ. އެހެން ކަމުން މިއާދަތަކާއި ޘަޤާފަތް ދިރުވާ އާލާކުރުމަކީ މުޖުތަމަޢުގެ ހުރިހާފަރުދުންގެވެސް ޒިންމާއެކެވެ. އެގޮތުން ފިލްމީ ދާއިރާއިން މިއާދަތަކާއި ޘަޤާފަތް ދިރުވާ އާލާކުރުމަށްޓަކައި، ދިވެހިންނަށް މިކަމުގެ މުހިންމުކަން އަންގައި ދިނުމަށްޓާކައި ފިލްމުތަކުގެގެ ޒަރިއްޔާއިން އަންގައިދެވިދާނެއެވެ. ދިވެހިން ކުރީގައިލާއުޅުނު ހެދުންތަކާއި ކެއުމަށް ބޭނުންކުރި އެއްޗެހި ދައްކުވައިދޭގޮތަށް ފިލްމު ތައްޔާރުކޮށް ބެލުންތެރިންނާހަމައަށް ފޯރުކޮށްދެވިދާނެއެވެ. އަދި ހަމައެހެންމެ ދިވެހިންގެ މަސައްކަތްތެރިކަމާއި އެއްބައިވަންތަކަމުގެ އިތުރުން ދިވެހިން އުޅެމުން އައިގޮތް މިސާލަކަށް ޢީދުފަދަ ކުލަގަދަ މުނާސަބުތަށް ބާއްވަމުން އައި ގޮތްވެސް ދައްކުވައި ދެވިދާނެއެވެ. މިގޮތައްކަންކޮށްފިނަމަ ދިވެހިންނަށް ދިވެހިންގެ ޘަޤާފަތާއި އާދަކާދަތައް އުވިޔަ ނުދީ ހިފޭއްޓިދާނެއެވެ.

ކާބަފައިންގެ ޒަމާނުގައި ދިވެހިންނަކީ ކުރާ ކޮންމެކަމެއްގައިވެސް ދިވެހިވަންތަކަން އަންގުވައިދޭން މަސައްކަތް ކުރާބައެކެވެ. އެގޮތުން ދިވެހިން ލަމުންއައި ހެދުމުންވެސް އެކަން ވަރަށް ރަނގަޅަށް ސާބިތުވެއެވެ.  ނަމަވެސް ޒަމާން ބަދަލުވަމުން އައި ވަރަކަށް ދިވެހިންގެ ދިރިއުޅުމަށާއި ގެންގުޅޭ ތަކެއްޗަށްވެސް އަންނަނީ ބަދަލުއަންނަމުންނެވެ. ދިވެހިންލަމުންއައި ދިވެހިވަންތަ ހެދުންތައް މިހާރު ފެންނާކަށް ނެތޭ ބުންޏަސް ދޮގަކަށްނުވާނެއެވެ. ފިލްމުތަކުންވެސް ދައްކަމުން އަންނަނީ ތަފާތުވައްތަރުތަކުގެ ތަފާތު ޑިޒައިންތަކުގެ ހެދުނަތަކެވެ. ހެދުން އެޅުމުގެ "ސްޓައިލް" ގައި ވަނީ  ހުޅަނގުގެ ގޮތްގަނޑެވެ. އެހެންކަމުން ދިވެހިން ކުޅޭފިލްމުތަކުގައި ދިވެހިވަންތަކަން އަންގައި ދިނުމުގެ ގޮތުން ދިވެހި ޘަޤާފީ ހެދުން ބޭނުން ކުރެވިދާނެއެވެ.

ދިވެހިން ލަމުން އައި ހެދުމުގެ އިތުރުން ގިވެހިންގެ ކެއުމަށްވެސް ވަނީ ވަރަށް ބޮޑެތި ބަދަލުތަކެއް އައިސްފައެވެ. ޓީވީތަކުންވެސް ރޭޑިޔޯއިންވެސް ދައްކަމުން އިއްވަމުން ދަނީ އެވެނި ޤައިމެއްގައި ތައްޔާރުކުރާ މިވެނި ކާއެއްޗެއްގެ ވާހަކައެވެ. ހަމައެހެންމެ ފިލްމުތަކުންވެސް ދައްކަމުންގެންދަނީ ތަފާތު ޤައުމުތަކުގައި ތައްޔާރުކުރާކާނާތަކެވެ. މިއާޚިލާފަށް ދިވެހިން ދިވެހިކާނާ ތައްޔާރުކޮށް އެއެއްޗެހީގެ ރެސިޕީ މުތަމަޢަށް އިނގޭނޭގޮތަށް ކަންތައްކުރެވިދާނެއެވެ.  ދިވެހިކެއުންތަށް ދިވެހިވަންތަ ކުރުމަށްޓަކައި ދިވެހިންގެތެރޭގައި ބޭނުނަކުރަމުންދާ ބާވަތްތައް އެޅިދާނެކަން ހާމަކޮށްދެވިދާނެއެވެ.

އަޅުގަނޑުމެން ދިވެހިންނަކީ އެކުވެރި ބައެއްކަން އަންގުވައިދޭ އެންމެބޮޑު އެކައްޗަކީ އެއްބައިވަންތަކަމެވެ. ނަމަވެސް އަދުގެ މުޖުތަމައު ވަނީ ބައިބައިވެ ވިއްސިވިހާލިވެފައެވެ. ކާބަފައިންގެނެސްދިން އެއްބައިވަންތަކަންދަނީ ނުތެމުންނެވެ. އެގޮތުން ފިލްމުތަކުގައި އެކުވެރިކަމުގެ މުޖުތަމައެއްގައި އެމުޖުތަމައުގެ     ފަރުދުން އުޅެމުންދާ އެކުވެރިކަމާއި ސުލްހަމަސްލަސްކަން އަދި އެއްބައިވަންތަކަން ނެތިއަޖެނަމަ ދެންވާން އޮންނަގޮތް މުޖުތަމައުގެފަރުދުންނަށް އިނގޭނޭގޮތަށް ފިލްމުތައްޔާރުކޮށް ނެރެވިދާނެއެވެ. އޭރުން މުޖުތަމައުގެ ފަރުދުންނަށް ވިސްނި ކާބަފައިން ގެނެސްދިން އެއްބައިވަންތަކަން އާލާވެގެންދާނެއެވެ.

ދިވެހިންނަކީވަރަށް މަސައްކަތްތެރިބައެކެވެ. މިކަންވަރަށް ރަނގަޅަށް އިހުޒަމާނުގެ ފަތަފުއްތަކުން އެނގެއެވެ. އަދި ހަމައެހެންމެ ދިވެހިން އަތުމަސައްކަތުން ތައްޔާރުކޮށްފައިވާ އެތަކެއްސާމާނެއް ރައްކާކުރެވިފައިވެއެވެ. މިޒަމާނުގައި އަތުމަސައްކަތް ކުރާމީހުންވެސް ވަރަށްމަދެވެ. އަދިމިއީ "ކަޓު" ކަމެއްކަމަށް ޤަބޫލުކުރެއެވެ. ނަމަވެސް ކާބަފައިންގެ ހުނަރުވެރިކަމުން އައި މިކަން ދިރުވާ އާލާކުރުމީ އަޅުގަނޑުމެންގެ ޒިންމާއެކެވެ. އެގޮތުން ފިލްމުތަކުގައިވެސް ވަޒީފާތަކަށް ދިޔުމުގެ އިތުރުން އިތުރުމަސައްކަތެއްގެ ގޮތުގައި މިކަން ކުރެވިދާނެކަން އަންގައިދެވިދާނެއެވެ.

ދިވެހިންގެ ތެރޭގައި އޮންނަދިވެހިވަންތަކަމުގެ ގޮތަގަނޑު މިހާރު މިވަނީމުޅިން ބަދަލުވެފައެވެ. ކުރީގައި ދިވެހިންނަކީ އެއްސުފުރާމައްޗަކުން ކައިއުޅޭ އެކަކު އަނެއްކަކަށް އެހީވުމުގައި ހިތުގައި ބުރަކަމެއަނުބައްވައި ހިތްހެޔޮކަމާއި އެކު އުޅެމުންއައި ބައެކެވެ. އެގޮތުން މިފަދަ މުޖުތަމައެއަގައި މިހުންދިރިއުޅޭގޮތް ދައްކުވްއިދޭ ފިލްމެއްނެރެވިދަނެއެވެ.

ދިވެހި ޡަޤާފަތާއި އާދަކާދަތައް ދިރުވައި އާލާކުރުމަށް ޓަކައި ފިލްމީދައިރައަށް ވަރަށް ގިނަގުނަ މަސައްކަތްތަކެއް ކުރެވިދަނެއެވެ. އެއީ ހެދުމުންވިޔަސް، ކެއުމުންވިޔަސް މަސައްކަތްތެރިކަމުގެ ރޮނގުންވިޔަސް މެއެވެ. ހަމައެހެންމެ އެއްބައިވަންތަކަންއަންގައިދިނުމުގެ އިތުރުން އެމީހުން އުޅެމުން އައިއައިގޮތުންވެސްމެއެވެ. އެހެންކަމުން ފިލްމީދާއިރައިން ދިވެހިޡަޤާފަތާއި އާދަކާދަ ރައަކާތެރި ކުރުމަށް ޓަކައި ކާބަފައިން އުޅެމުންއައިގޮތް އެކިގޮތްގޮތުން މުތަމައަށް މެސެޖުތައް ފިލްމުގެ ޒަރިއްޔާއިން ފޮނުވައިދެވިދަނެއެވެ.