ސަމާސާއަދަބުގެ ތެރެއިން ލަދުގަނެއަޖެ....

ގަޑިން އަދި ކިރިޔާ އެޖެހީ 7 އެވެ. ގަޑިކިޔުނީމަލަހުންބާވައެވެ. ނޫނީ ގަޑީގައި ބެޓެރި ދަށްވީބަވައެވެ. އަނެއްކާ އަހަންނަށް ގަޑިކިޔަން ނޭގެނީބާވައެވެ. ގަޑި ހިނގާލެއްލަސްކަމުން އެފުޑުފުޑު ކޮށްލާހާ ރުޅިއާދެއެވެ. އިތުރަކަށް ކެތެއްނުވިއެވެ. ފާޚާނާއަށް ވަދެވިއްޖެއެވެ. ދުވަހަކު ފެންނުވަރާހާ ގިނައިން ފެންވެރުނެވެ. ވާނީވެސް އެހެންތާއެވެ. ލޯބިވެރިޔާއައެކު ބޭރަށްދާމީ ފުރަތަމަފަހަރެވެ. "ޑޭޓަކަށެވެ".

ފާޚާނައިން ނުކުމެ ގަޑިބަލައިލިއިރު އަދި ވީ7:30 އެވެ. ކޮންމެއަކަސް ރީތިވުމަށްޓަކައި ލޯގަނޑުކައިރީގައި 

ހުއްޓިއްޖައީމެވެ. "އޯވް ހޯވް" އަމިއަލައަށްވެސް ބުނެލެވުނެވެ. ކުރިމަތީގައިހަމައެވަނީ އަކަރެންގެ ސުރައެވެ. ތުނބުޅި އޮފުކޮށްލަފައި ހުރިވަރުން ހީވަނ" ގުލޭންޑާރ" ކާއްތާ "ސޭންޑާރ" ދަމާފައި ހުރިހެންނެވެ. މުނުމަތި އޮފުކަމުން ދަޅައަޅައެވެ. ކޮންމެއަކަސް އަތުގައި އޮތް އެންމެ ރީތިގަމީހައި ފަޓުލޫނު ލައަފިމެވެ. އަނެއަކަވެސް ރީތިވުމަށް ޓަކައި ލޯގަނޑު ކުރިމަތީގައި ހުއްޓިއްޖައީމެވެ. މުނުމަތީގައި ފުއްޖަހާލައި އިސްތަށިގަނޑަށް ފަޑުފަޑުގެ ވައްތަރު ޖައްސަން ފަށައިފީމެވެ. ކަމުދާގޮތެއްނޭނގުނެވެ. އެންމެފަހުން އިސްތަސިގަނޑަށް ހެދުނުގޮތުން ހީވަނީ ކަރަންޓުގައި ޖެހިފައި ހުރިހެންނެވެ. އީލިއީއްޔަށް މައްޗަށް ކޮޅަށް ޖަހާފައެވެ.

 ކޮންމެއަކަސް ގަޔަށް ސެންޓުބުރުވައިލަގެން ގެއިން ނުކުންނަމުން ގަޑިއަށް ބަލއިލީމެވެ. އަދި 9 ޖަހަން 30 މިނެޓު އެބަހުއްޓެވެ.އެހެންނަމަވެސް އަހަރެން މިސްރަބުޖެހީ ގުރީންހައުސް ރެސްޓޯރެންޓާ ދިމަލަށެވެ. 5 މިނެޓުވެސް ނުވަނީސް އެހިސާބަށް ދެވުނެވެ. އެތެރެއަށްވަދެ ގޮނޑިއެއްގައި އިށީނީމެވެ. އިންތިޒާރު ކުރެވެމުން ދިޔައީ 9 ޖަހާނެ އިރަކަށެވެ. 9 ޖަހަން ކައިރިވިވަރަކަށް މީހާއަށް ކުރެވެމުންދިޔައީ ވަރަށް އެހެންކަހަލަ އިހުސަސް ތަކެކެވެ. ހިތުގެ ވިންދުވެސް ހީވަނީސިކުންތަކުން ސިކުންތަކުން ދެގުނައަށް އިތުރުވާހެންނެވެ.

ކުއްލިއަކަށް ފަހަތުންއައިސް މީހަކު ކޯނޑުމަތީގައި އަތްޖެހުމައިއެކު ހީވީ މުޅި ރެސްޓޯރެންޓަށް 1000 ހެކްޓޯމީޓަރު ބަރުމިނުގައި ބިންހެލުމެއް އައިހެންނެވެ. ސިއްސައިގެން ދިޔަދިޔާނުން މީހަ އޮތި ގޮނޑިން އެކޮޅުކޮޅަށް ވެއްޓިފައެވެ. ޖެހުނުހެން ހީނުވެ ތެދުވެއްޖައީމެވެ. ގަންނަކުރެއަވި ލަދައިއެކު ނަމަވެސް އިސަޖަހާލުމަށްފަހު އެއްކަކޫ ބިންމަތީގައި ޖައްސާލައި އަނެއް ކަކޫ ނުވަދިހަ ދިގްރީއަށް ވަގޮތަށް އިށީނދެ އަތުގައި އޮތްމާބޮނޑި ދިއްކޮށްލައި "އައި.ލަވް.ޔޫ." އޭ ބުނެލީމެވެ. ހަމައެވަގުތު ތަނުގެ އެންމެން ޕަކަޕަކަލަފައި ހޭންފަށައިފިއެވެ. ވީގޮތެއް ނޭނގިފައި އަހަރެން އިސްއުފުލައި ބަލައިލީމެވެ. ކަމަކުދާކަށް ނެތެވެ. ލަދެއްގެ މައްޗަށް ލަދެކެވެ. ކުރިމަތީ ގައި ވާނުވާ ނޭނގިފައި އެހުރީ ވެއިޓަރެވެ. އަންހެން ކުއަޖާ ހެމުންހެމުން އައިސް އަހަރެންގެ ކޮނޑުގައި ޖަހައިލާފައި ވަރަށް ގުލޭ ޖޯޑެއްކަމަށް ބުނެލިއެވެ. ގަތްލަދުން ބުނާނެ އެއްޗެއްވެސް ނޭނގިފައި ގެއާދިމާލަށް މިސްރަބުޖެހީމެވެ.