ދިވެހި ޘަޤާފަތާއި އާދަކާދަ ދިރުވާއާލާ ކުރުމަށްޓަކައި ފިލްމީދާއިރާއަށް ކުރެވިދާނެ ކަންތައްތައް

 ދިވެހިންނަކީ އަމިއްލަ އާދަތަކާއި ޘަޤާފަތެއް އޮންނަބައެކެވެ. ނަމަވެސް ހިތާމައަކީ މިޔަދު އެޘަޤާފަތާއި އާދަކާދަތައް ދިރުވާ އާލާކުރާނެބައެއް ނެތުމެވެ. ނަތީޖާއަކަށް ވެގެންދަނީ އެރީތި އާދަތަކާއި ޘަޤާފަތް ދިވެހިންގެތެރެއިން ނެތިގެން އުވެމުން ދިޔުމެވެ. އެހެން ކަމުން މިއާދަތަކާއި ޘަޤާފަތް ދިރުވާ އާލާކުރުމަކީ މުޖުތަމަޢުގެ ހުރިހާފަރުދުންގެވެސް ޒިންމާއެކެވެ. އެގޮތުން ފިލްމީ ދާއިރާއިން މިއާދަތަކާއި ޘަޤާފަތް ދިރުވާ އާލާކުރުމަށްޓަކައި، ދިވެހިންނަށް މިކަމުގެ މުހިންމުކަން އަންގައި ދިނުމަށްޓާކައި ފިލްމުތަކުގެގެ ޒަރިއްޔާއިން އަންގައިދެވިދާނެއެވެ. ދިވެހިން ކުރީގައިލާއުޅުނު ހެދުންތަކާއި ކެއުމަށް ބޭނުންކުރި އެއްޗެހި ދައްކުވައިދޭގޮތަށް ފިލްމު ތައްޔާރުކޮށް ބެލުންތެރިންނާހަމައަށް ފޯރުކޮށްދެވިދާނެއެވެ. އަދި ހަމައެހެންމެ ދިވެހިންގެ މަސައްކަތްތެރިކަމާއި އެއްބައިވަންތަކަމުގެ އިތުރުން ދިވެހިން އުޅެމުން އައިގޮތް މިސާލަކަށް ޢީދުފަދަ ކުލަގަދަ މުނާސަބުތަށް ބާއްވަމުން އައި ގޮތްވެސް ދައްކުވައި ދެވިދާނެއެވެ. މިގޮތައްކަންކޮށްފިނަމަ ދިވެހިންނަށް ދިވެހިންގެ ޘަޤާފަތާއި އާދަކާދަތައް އުވިޔަ ނުދީ ހިފޭއްޓިދާނެއެވެ.

ސަމާސާއަދަބުގެ ތެރެއިން ލަދުގަނެއަޖެ....

ގަޑިން އަދި ކިރިޔާ އެޖެހީ 7 އެވެ. ގަޑިކިޔުނީމަލަހުންބާވައެވެ. ނޫނީ ގަޑީގައި ބެޓެރި ދަށްވީބަވައެވެ. އަނެއްކާ އަހަންނަށް ގަޑިކިޔަން ނޭގެނީބާވައެވެ. ގަޑި ހިނގާލެއްލަސްކަމުން އެފުޑުފުޑު ކޮށްލާހާ ރުޅިއާދެއެވެ. އިތުރަކަށް ކެތެއްނުވިއެވެ. ފާޚާނާއަށް ވަދެވިއްޖެއެވެ. ދުވަހަކު ފެންނުވަރާހާ ގިނައިން ފެންވެރުނެވެ. ވާނީވެސް އެހެންތާއެވެ. ލޯބިވެރިޔާއައެކު ބޭރަށްދާމީ ފުރަތަމަފަހަރެވެ. "ޑޭޓަކަށެވެ".

ހއ އިހަފަރުގެ ފަޅު ހެދުމުގެ މަސައްކަތް މެދު ކެނޑުން

ތަޢާރަފް؛

2004 ވަނަ އަހަރުގެ 26 ޑިސެންބަރަކީ އެތައްބައެއް ސިއްސުވާލި އެތަކެއްބައްގެ ފުރާނަ ތަކަކާއި އެތައްބައެއްގެ މުދަލާއި ގެދޮރު ނެތިގެން ދިޔަ ދުވަހެކެވެ. މިކާރިސާގައި ރާއްޖޭގެ ގިނަތަންތަނަށް ވަނީ ބޮޑެތި ގެއްލުންތަކެއް ލިބިފައެވެ. އެގޮތުން 3500 މީހުންގެ އާބާދީއެއް އުޅެމުން އަންނަ ހއ އިހަފަރަކީވެސް މިކާރިސާގެ ސަބަބުން ބޮޑެތި ގެއްލުންތަކެއް ލިބިފައިވާ ރަށެކެވެ. މިގޮތުން އެރަށުގެ ފަޅަށް ވަނީ ވަރަށް ބޮޑެތި ގެއްލުންތަކެއް ލިބިފައެވެ. ނަމަވެސް ފަޅު މަރާމާތު ކުރަމުންދާ ގޮތާމެދު ރައްޔިތުން ހިތްހަމަ ނުޖެހުމުގެ ސަބަބުން ވަނީ މަސައްކަތް ހުއްޓިފައެވެ. މިރިޕޯޓަކީ މިނިސްޓްރީ އޮފް ހައުސިންގެ ފަރާތުން މި މައްސަލަ ހިނގާދިޔަ ގޮތް ބެލުމަށްފަހު މި މައްސަލައަށް ޙައްލެއް ހޯދުމަށް ލިޔާ ރިޕޯޓެކެވެ. މި ރިޕޯޓް ބިނާވެފައި ވާނީ މިހާރު ފަޅުގެ ޙާލަތު ހުރިގޮތާއި، ސަރުކާރާއި ރައްޔިތުންނާއި މެދު ކުރެވިފައިވާ މަޝްވަރާތަކާއި، ފަޅު ހެދުމުގެ މަސައްކަތް ހަވާލުކުރި ފަރާތުގެ އިތުރުން ރައްޔިތުންގެ އެއްބާރުލުން މި ކަމުގައި އޮތް ގޮތުގެ މައްޗަށެވެ. އަދި މި ކަންކަމުގެ ޙައްލުގެ މައްޗަށްވެސް މެއެވެ.

ޅެން ޝަރަހަކުރުން

ފިތުނަވެރިކަމުގެ އޮށް- ރީތި ޅެން

(ފަތިމަތު ސަޢީދު)

             ކޮންފަދަ ނުބައިކަމެއްހޭ؟ މިއަދުގިނަވަމުން ދަނީ

                             ބޮންނޭޅިޔަސް އެކީ ޖާދޫ ވިހުރުވި މުޅިން ދަނީ

              ފެށުނީއްސުރެން އަކީ އުޅެމުން އަންނަ ޢައިލާ

                              ދަށުލާ ފިތުނަފަސާދަ އުފައްދާ ނަގައިލަނީ

             އެތަކެއް ޚިޔާލުގައި އެއްބަސްވާ ދެއެކުވެރިން

                                 ހިތަށާއި ސިކުނޑިއަށް މި ނުފޫޘުންނެ ވިހަލަނީ

            ރަހުމަތް ކަމާއި ރައްޓެހިކަން އެކުވެރިން ތެރޭން   

                              ފަހުނޭވަޔާ ހަމައިން ނަމަވެސް ވަކިކޮށްލަނީ

            އަނބިފިރިކަމުގެ ގުޅުން ވަކިކޮށް ހިރަފުހާ މޮޑޭން

                              ގަބިޔާވެގެން ކަމަށް ހެދިގެން އަނގަތަޅައިލަނީ

ރައިވަރު ދޭހަވާ މާނަ

ވީފަރިތަ އިރުކުޑާ          (ކުޑައިރުވީ ފަރިތަ)

ތީނުފިކަމެއް ގައިންލާ       (ކަމެއް ގައިން ނުފިލާތީ)

މީހުންނުފިކުވަނީ ރާ        (މީހުން ފިކުރާ ނުވަނީ)

އީމި ކޮންބެއްތޯ އަޖާ       (މިއީ ކޮންއައިބެއްތޯ)

ރީހު ސަހަކިޔަކިޔާ ރޯމި      (ސަހަރޯ ކިޔަކިޔާ މިހުރީ)

ހީވެމުޅިން ސަހަރޯމި        (މުޅީން މިސަހަރޯ ހީވެ)

ދޭހަވާ  މާނަ:-  ކުޑައިރު ވެފައި ހުންނަ ފަރިތަ ފަހުން ފިލުވައިލަން އުނދަގޫވާނެއެވެ. ވުމާއެކު ނުރަނގަޅު ކަންތައްތައް ކުރުމަށް އާދަނުކުރާށެވެ.

ޚިދުމަތްތެރި މުދައްރިސެއް

ހއ. އިހަވަންދޫ ނެދުންގޭ ޖިމީލާ އާދަމް އާއި ހއ. ހޯރަފުށީ އަލަނާސިގޭ މުޚަންމަދު ޔޫސުފްއަށް ލިބިފައިވާ ހަތްދަރިންގެ ތެރެއިމް މެދަށް ހުންނަ އަހުމަދު ރަޝީދަކީ އިހަވަންދޫގެ ގިނަބައެށްގެ މަޤުބޫލުކަން ހޯދައިފައިވާ ފަރާތެކެވެ. ޢާއިލާގައި ތިން ދައްތައިންނާއި ތިން ކޮށްކޮއިން ހުންނަ އަހުމަދު ރަޝީދު ނުވަތަ މަޝްހޫރުނަމުންނަމަ "ދޮންބެ" އަކީ ކުންޑަ ޢާއިލާ އަދި އަލިބެ އާދަނު ޢާއިލާ އަށް ނިސްބަތްވާ ސަކަމިޒާޖެއްގެ ބޭފުޅެކެވެ. ހއ. އިހަވަންދޫ ރޯޒީވިލާ އަޚުމަދު ރަޝީދު ދުނިޔެއަށް އުފަންވެފައިވަނީ  2 ފެބުރުއަރީ 1974 ގައެވެ. ހުދު ކުލައަށް ލޯބިކުރާ އަހުމަދު ރަޝީދަށް އެންމެ މީރު ކެއުމަކީ ގަރުދިޔައާއި ބަތާއި ލޮނުމިރުހެވެ. އޭނާއަކީ ހުސްވަގުތުތަކުގައި އިސްލާމީ ފޮތްތަށް ކިޔުއްވާ ބޭފުޅެކެވެ. އަދި ހަމައެހެންމެ ޤުދުރަތީ މަންޒަރުތަކުގެ އިތުރުން އަމިއްލަކުރިއެރުމާއި މެދުވެސް ވިސްނާބޭފުޅެންމެއެވެ. އަހުމަދު ރަޝީދު އެންމެ ކުރާހިތްވާ މަސައްކަތަކީ ކިޔަވިއި ދިނުމެވެ. އެގޮތުން މީނާވަނީ ރަށާއި ރަށުގެ ރައްޔިތުންނަށްށާއި ތަޢުލީމީދާއިރާއަށް ވަރަށް ބޮޑެތި ޙިދުމަތްތަކެއް ކުރަށްވާފައެވެ.

ރަށުކައުންސިލްގެ ރައީސްކަން ލިބިއްޖެނަމަ....

މިހާރުގެ މި ޑިމޮކުރަސީޒަމާނުގައި "މިކަންވާނީ މަށަށޭ" ނުވަތަ "މީ އަހަރެންގެފަހަރޭ" ޔަޤީންކަމާއިއެކު ބުނުމަކީ ދަތި އުނދަގޫ ކަމެކެވެ. އިންތިޚާބު ތަކަށް ކުރިމަތިލާ ކޮންމެމީހަކުވެސް ކުރިމަތިލަނީ ވަރައް  ފޮނި އުންމީދުތަކަކާއެކުގައެވެ. އެތަކެއް ހުވާތަކަކާއި ވައުދުތަކެއް ރައްޔިތުންނަށާއި  ޤައުމަށް ކޮށްދިނުމަށް ވައުދުވެފައެވެ.އެގޮތުން ރަށުކައުންސިލްގެ މަޤާމު އަޅުގަނޑަށް ލިބިއްޖެނަމަ ރައްޔިތުންގެހާލަތު ދެނެގަނެ ރައްޔިތުންގެ ޙައްޤުތައް އަދަކޮއްދޭނަމެވެ. ހަމައެހެންމެ ތަޢުލީމީފެންވަރު މަތިކުރުމައްޓަކައި ކިޔެވުމާއި ގުޅޭޓެކްނޮލޮޖީ ވަސީލަތްތައް ހޯދައިދީ ދަރިވަރުންނަށް އިންޓަރނެޓްގެ ޒަރިއްޔައިން ކިޔެވޭނެގޮތް ހަމަޖައްސައިދީ، ޚާއްސައެހީއަށް ބޭންވާފަރާތްތަކަށް އެހީފޯރުކޮއްދީ، ރަށުގެރައްޔިތުން ހޭލުންތެރިކުރުވުމައްޓަކައި "އެވެޔާރނެސް" ޕްރޮގްރާމްތަށް ހިންގުމާއިއެކު، ރަށްތަރައްޤީކުރުމައްޓަކައި ރަށުގައިވާ އާސާރީތަންތަން މަރާމާތުކޮށް ފަތުރުވެރިންނަށް އެތަނަށް ޒިޔާރަތް ކުރެވޭނޭގޮތް ހަމަޖައްސައަ ދޭނަމެވެ. މިއީ އަޅުގަނޑަށް ރަށުކައުސިލްގެ 

ރައީސްކަން ލިބިއްޖެނަމަ އެންމެފުރަތަމަ ކޮށްދޭނެ ކަންކަމެވެ.